Тэлефон даверу
Калі вы валодаеце інфармацыяй аб учыненых або маючых адбыцца злачынствах, пазваніце па тэлефоне:
8 (017) 219-92-99

Упраўленне КДБ па Брэсцкай вобласці

Упраўленне КДБ Рэспублікі Беларусь па Брэсцкай вобласці ўтворана ў адпаведнасці з Загадам Народнага Камісара Унутраных спраў СССР № 001441 ад 29 лістапада 1939 года «Аб арганізацыі УНКУС па Брэст-Літоўскай вобласці Беларускай ССР». Загадам НКУС СССР № 001470 ад 13 снежня 1939 года УНКУС па Брэст-Літоўскай вобласці перайменавана ва УНКУС па Брэсцкай вобласці з дыслакацыяй у горадзе Брэсце. Упраўленне ўзначаліў капітан дзяржбяспекі Сяргееў Аляксей Андрэевіч. Яго штат фарміраваўся за кошт супрацоўнікаў з усіх куткоў СССР; пяць чалавек (у тым ліку і начальнік) прыбылі з Мінска.

Архіўныя матэрыялы аб рабоце Упраўлення ў 1939–1941 гг. былі страчаны ў пачатку вайны. Толькі па ўспамінах ветэранаў можна гаварыць аб тым, што асноўнай работай супрацоўнікаў калектыву, які толькі складаўся, была арганізацыя процідзеяння нямецкай разведцы, якая разгарнула шпіёнска-падрыўную дзейнасць супраць СССР задоўга да 22 чэрвеня 1941 года.

У гады Вялікай Айчыннай вайны органы дзяржаўнай бяспекі праводзілі актыўную разведвальную работу па выяўленні задум і ваенна-аператыўных планаў фашысцкага камандавання.

У 50–60-я гады Упраўленнем праведзена значная работа па выяўленні і адданні пад суд гітлераўскіх катаў і іх саўдзельнікаў, якія скрываліся ад пакарання.

Баявыя чэкісцкія традыцыі былі прадоўжаны ў перыяд аказання інтэрнацыянальнай дапамогі Рэспубліцы Афганістан. 16 былых і цяперашніх супрацоўнікаў УКДБ прымалі ўдзел у баявых дзеяннях.

Пры выкананні спецзаданняў у Афганістане 21 кастрычніка 1980 года загінулі капітаны Аляксандр Пунтус і Юрый Чачкоў.

У 1986–1987 гг. 35 супрацоўнікаў Упраўлення прымалі ўдзел у ліквідацыі наступстваў аварыі на Чарнобыльскай атамнай электрастанцыі.

Пасля прыняцця Вярхоўным Саветам БССР 27 ліпеня 1990 года Дэкларацыі «Аб дзяржаўным суверэнітэце БССР» пачаўся новы этап у дзейнасці органаў дзяржбяспекі Рэспублікі Беларусь. Адбыўся перагляд задач і напрамкаў дзейнасці КДБ.
Наверх