Комитет государственной безопасности Республики Беларусь
Камітэт дзяржаўнай бяспекі Рэспублікі Беларусь

Аб спыненні карупцыйнай дзейнасці

31 студзеня 2017
КДБ Рэспублікі Беларусь пры атрыманні хабару ў памеры 2000 долараў ЗША затрыманы з доказамі злачынства начальнік Магілёўскага абласнога ўпраўлення Дэпартамента па наглядзе за бяспечным вядзеннем работ у прамысловасці  Міністэрства па надзвычайных сітуацыях Рэспублікі Беларусь Іваніцкі В.П.

Устаноўлена, што службовая асоба за паспяховае вырашэнне пытання, якое ўваходзіла ў яго кампетэнцыю – выдачу заключэння аб адпаведнасці аб’екта будаўніцтва дзеючым нормам і правілам у галіне прамысловай бяспекі, вымагаў і атрымаў хабар ад прадстаўніка адной з замежных камерцыйных арганізацый, што рэалізуе ў Рэспубліцы Беларусь вялікі інвестыцыйны праект.

Адносна Іваніцкага В.П. узбуджана крымінальная справа па ч. 1 арт. 430 (атрыманне хабару) Крымінальнага кодэкса Рэспублікі Беларусь. Санкцыяй артыкула прадугледжана пакаранне ў выглядзе пазбаўлення волі тэрмінам да шасці гадоў з канфіскацыяй маёмасці. Да затрыманага прыменена мера стрымання ў выглядзе заключэння пад варту.

Праводзяцца неабходныя аператыўна-вышуковыя і следчыя дзеянні, накіраваныя на выяўленне і дакументаванне іншых эпізодаў супрацьпраўнай дзейнасці затрыманага.
Вы можаце знайсці гэту старонку па наступным адрасе: https://kgb.by/by/news-by/view/ab-spynenni-karuptsyjnaj-dzejnastsi-149