Паведамленнi

14-15 мая Цэнтральны архіў КДБ Рэспублікі Беларусь і ўстанова «Дзяржаўны архіў Мінскай вобласці» праводзяць міжнародную навукова-практычную канферэнцыю, прысвечаную 70-годдзю Перамогі савецкага народа ў Вялікай Айчыннай вайне «Вялікая перамога: гісторыя і сучаснасць».

Мэта мерапрыемства – абмеркаванне вынікаў навуковых даследаванняў гісторыі Вялікай Айчыннай вайны, пытанняў, звязаных з захаваннем гістарычнай спадчыны аб Другой сусветнай вайне, а таксама з удасканаленнем сістэмы патрыятычнага выхавання моладзі.

У рамках канферэнцыі пройдзе выстаўка архіўных дакументаў «Нам гэту памяць завешчана зберагчы», многія экспанаты якой дэманструюцца ўпершыню.

У рабоце прымуць удзел вучоныя і архівісты Беларусі, Расіі, Казахстана і Украіны.

Заяўкі на акрэдытацыю на канферэнцыю прадстаўнікоў СМІ накіроўваць у прэс-службу КДБ Рэспублікі Беларусь па факсе  (017) 219-81-11, тэлефоны 219-95-29, 219-91-07 да 17.00 12 мая 2015 г.